ҐОСПОДЇНЦИ – Штварток, 20. октобра, у голу Месней заєднїци (МЗ) Ґосподїнци отворена вистава „Музей у госцох”, пошвецена колекционарови уметнїцких дїлох Павлови Белянскому (1892-1965), котри родом з Ґосподїнцох и по своїм жаданю є поховани у валаскей порти православней церкви у Ґосподїнцох.
После штирох деценийох збераня уметнїцких дїлох, Белянски свою колекцию завитовал свойому народу, а його Спомин збирка у Новим Садзе оформена 1957. року.
На отвераню вистави нащивительох привитали предсидатель Совиту МЗ Ґосподїнци Борис Страживук, директорка Општинскей библиотеки „Велько Петрович” Дубравка Дудич и авторки вистави Ясмина Якшич Субич и Марта Дєрмарти.
Вистава витворена дзекуюци Општини Жабель, МЗ Ґосподїнци и Општинскей библиотеки „Велько Петрович”, а у Ґосподїнцох будзе по 20. новембер.