Отримана и Дзецинска подобова колония

автор ипа/зам
921 Опатрене

ҐОСПОДЇНЦИ – У голу Основней школи „Жарко Зренянин” у Ґосподїнцох внєдзелю, 31. юлия, отримана ювилейна, 15. Дзецинска подобова колония, у рамикох тогорочней Подобовей колониї „Стретнуце у Боднарова”. На Дзецинскей колониї участвовали штернацецеро школяре-подобово творителє з Нового Саду, Ґосподїнцох, Руского Керестура, Дюрдьова и Жаблю.

Дванаста Подобова колония „Стретнуце у Боднарова” у Ґосподїнцоих отримана од 29. по 31. юлий, а участвовали 25-еро подобово уметнїки з Ґосподїнцох, Коцура, Нового Саду, Сримскей Каменїци, Петроварадину, Жаблю, Беочину и Бачкого Ярку. Як и дотераз, Подобову колонию орґанизовала ґосподїнска Секция Дружтва за руски язик, литературу и културу (Дружтво).

Подобова колония того року отримана у рамикох означованя 120-рочнїци народзеня Сави Шумановича и з тей нагоди директорка Ґалериї „Сава Шуманович“ у Шидзе Весна Буроєвич бешедовала о його живоце и творчосци, а Подобовей колониї подаровала три репродукциї Сави Шумановича и каталоґ.

Колония була и у знаку 80 рокох народзеня подобовей уметнїци Гелени Крклюш Фейди з Ґосподїнцох, а 4. децембра того року, на  дзень народзеня уметнїци, Дружтво орґанизує и єй самостойну, уж дзешату виставу подобових роботох.

Под час Колониї у Подобовей ґалериї у Ґосподїнцох (у Месней заєднїци) були виложени роботи з прешлорочней, 11. Колониї „Стретнуце у Боднарова”, хтору провадзел и окремни каталоґ.

ПОВЯЗАНИ ТЕКСТИ