КОЦУР – Прешлого викенду, од 22 по 24. май, коцурска Євангелска парохия орґанизовала Школу фодбалу за дзеци од 9 до17 роки. Пре нєвигидну хвилю, проєкт витворени у физкултурней сали ОШ „Братство-єдинство”, а нє на „Искровим” стадионє, як було плановане.
До Школи фодбалу були укючени прейґ сто деци з Коцура и домашнього Червеного крижу, хтори були подзелєни до двох старосних ґрупох.
Обуку тримали пейцме линценцовани фодбалски тренере УЕФИ Б и Ц катеґориї, члени интернационалней орґанизациї „Шветлосц понад Европу”, хтора таки тренинґи орґанизує по цалей Европи.