НОВИ САД – Скупштина Сербиї у наиходзацих тижньох прилапи Меншински акцийни план, наявел концом прешлого тижня шеф посланїцкей ґрупи СВМ у републичним парламенту Балинт Пастор.
Пастор за ТВ „Панон” зоз Суботици гварел же два найважнєйши теми у Акцийним планє пременка Закона о националних совитох и пропорцийне обезпечованє роботи.
Додал же у вирабяню того документу участвовали и представителє Националного совиту Мадярох и Покраїнскей влади.
Сербия ма обовязку виробиц Меншински акцийни план пре прегварки о приступаню ґу ЕУ, у рамикох Поглавя 23.
Пастор оценєл же то вельки успих, прето же нє кажда жем-кандидат мала обовязку прилапиц план о тим цо по приключенє ґу ЕУ муши поробиц на планє меншинских правох.