РУСКИ КЕРЕСТУР – Школяре першей класи Основней школи „Петро Кузмяк” з Руского Керестура, котрих у двох оддзелєньох єст 43-йо, прешлого тижня достали дарунки од Општинскей управи Кула.
Школяре достали лайбики, наруквици и кнїжочки наменєни за векшу безпечносц наймладших у транспорту на їх драги до и зоз школи, а дарунки принєсли руководительки у Оддзелєню за дружтвени дїялносци Општини Кула Драґана Потпара и Єлена Дїсалов.
За дарунки подзековала директорка Школи Хелена Пашо Павлович, а школяре госцинским, зоз своїма учительками Ясмину Сабадош и Любицу Бучко, виведли и кратшу програму.
Таку праксу Општина Кула витворює континуовано уж вецей роки, так же подобни дарунки доставаю першокласнїки у шицких школох у местох кулскей општини.