РУСКИ КЕРЕСТУР – Вчера и нєшка, волонтере у Руским Керестуре подзелєли 80 пакети зоз основнима поживовима артиклами, особом у потреби котри у позарядовим стану остали без роботи и без приманьох, и старшим людзом.
Средства скромни, алє значни. Пакети обезпечели керестурски привреднїки и подприємства котри жадали указац окремну солидарносц у тим чежким чаше.
Пакети рознєсли волонтере зоз валалу котри и були упознати зоз станом поєдинцох. Затераз подзелєни шицки пакети, а кед же будзе нагода, односно кед ше пренайдзе спонзорох та ше витвори подобна акция ознова. З оглядом же ше велї Керестурци нашли у ситуациї зоз минималнима, або нїякима приманями, визначели координаторе керестурских волонтерох Иґор Фейди и Тихомир Медич.