НОВИ САД – Покраїнски секретарият за польопривреду розписал три конкурси за польопривреднїкох.
Перши за субвенционованє каматох на кредити Розвойного фонду Войводини за набавянє новей опреми и системи за наводньованє зоз беґельскей мрежи, други за софинансованє инвестицийох у пчоларстве, а треци за финансованє науково-фахових активносцох у обласци польопривреди и руралного розвою.
Як преноши сайт agrofin.rs, найвекше интересованє польопривреднїкох за софинансованє инвестицийох у пчоларстве и набавку нових пчолох за цо зоз конкурсом опредзелєни 25 милиони динари. Конкурс отворени по 9. април, а прияви можу дац привредни дружтв а, задруґи, як и ношителє реґистрованого комерциялного польопривредного ґаздовства.
Предвидзени безповратни средства по тим конкурсу можу виношиц по половку од вкупно прилапююцих трошкох инвестициї. При женох и особох младших од 40 рокох лимит 60 проценти. Максимална сума котра ше може достац по прияви 330.000 динари.