ВОЙВОДИНА – Подпредсидатель Покраїнскей влади и покраїнски секретар за образованє, предписаня, управу и национални меншини-национални заєднїци Михаль Нїлаш шицким просвитним роботнїком и школяром повинчовал початок нового школского2020/21. року. З порученьом же, з оглядом на епидемиолоґийну ситуацию, шицки ше мушиме прилагодзовац и звладац нови виволаня и нєсподзивани препреченя, зоз сердечну помоцу учительох, наставнїкох и родичох.
Най здогаднєме, 22. юния, покраїнски секретар принєсол правилнїки о школским календаре за основни и штреднї школи на териториї АП Войводини за школски 2020/2021. рок.
Покраїнски школски календари усоглашени зоз републичнима кед слово о початку и концу школского року, та так школски рок и у Войводини почнє вовторок, 1. септембра 2020. року, а перше полрочє будзе тирвац по 23. децембер 2020. року.
После жимского розпусту, школяре ше до учальньох враца 18. януара 2021. року, а конєц наставного року завиши од наставного плану за основни и штреднї школи.
Школяре основних школох нє буду мац анї єдну наставну соботу, а штредньошколци єдну – 5. септембра 2020. року.