НОВИ САД – Презентованє найновших посцигнуцох у польопривреди и медзинародне сотруднїцтво у обласци привреди означа наиходзаци 82. Медзинародни польопривредни саям у Новим Садзе, хтори будзе отримани од 9. по 15. май. Орґанизаторе поручели же окреме будзе прицагуюце представянє рижних польопривредних машинох и вистава статку.
Ґенерални директор Новосадского сайму Слободан Цветкович наявел приход даскелїх министрох польопривреди и других визначних функционерох зоз сушедних державох, як и представительох компанийох „Ал Дахра“ зоз Зєдинєних Арабских Емиратох.
Того року приятель Польопривредного сайму будзе Италия, и єден окремни дзень учашнїки и нащивителє годни упознац аґрарни и други досцигнуцами тей держави.
Пре злєпшанє стану у статкарстве, орґанизаторе наявели же у рамикох Сайму будзе отримана и национална вистава статку.