БЕОҐРАД – Републични фонд за здравствене осиґуранє (РФЗО) польопривреднїком будзе оверйовац здравствени кнїжочки на кажди три мешаци, под условийом же буду вимирйовац доприноси за здравствене осиґуранє и поряднє плациц чечуци доприноси, сообщело Министерство польопривреди и защити животного штредку.
Доказ о суми хтору треба уплациц польопривреднїки годни достац у Порцийней управи.
На основи предлогу министерствох здравя, финансийох и польопривреди, Влада Сербиї прилапела Заключенє з хторим польопривреднїком котри плаца доприноси за обовязне социялне осиґуранє оможлївене же би оверели здравствени кнїжочки и хасновали здравствене осиґуранє на терху РФЗО.
То оможлївене понеже Влада дала согласносц же би ше доприноси за здравствене, пензийне и социялне осиґуранє плацело окреме.