КУЛА – Вчера у Основней школи „Петефи бриґада” у Кули отворена Медзинародна вистава ручних роботох и колекцийох на хторей викладаю рижни здруженя зоз Сербиї и сушедних жемох, а тирва по 9. април. Виставу ше з рока на рок орґанизує у другей держави, а терашня, 45. по шоре, знова у Сербиї, односно у Кули и орґанизована є у сотруднїцтве з Општину Кула, Месну заєднїцу „Долнї город” и кулским Мадярским културним ценром „Непкер”, як єй координатором.
Попри учашнїкох и других госцох, на отвераню Вистави присуствовали и предсидателька Скупштини општини Кула Снежана Мркаич и заменїк предсидателя Општини Кула Велибор Милоїчич.
Свойо роботи на вистави у Кули викладаю и членїци Здруженя женох„Идея” з Кули хторе роби у Руским КУД „Др Гавриїл Костельник”, и Здруженя женох „Байка” з Руского Керестура.
Вистава кажди дзень отворена од 10 до 18 годзин, а остатнї дзень, 9. априла, до 12 годзин.
