ФУТОҐ – У центре Футоґу нєшка почина 16. „Футошка купусијада”(„Футожска капустияда”), на хторей нащивителє годни коштовац єдзеня з тей найпопуларнєйшей капусти у Войводини и ширше, стретнуц ше з продукователями капусти з цалей Сербиї и участвовац на фаховим стретнуцу з тему очуваня традициї валалских реґионох.
Манифестация „Футошка купусијада” през представянє привредних потенциялох Футоґу, локалних обичайох, традициї и туристичного понукнуца места промовує проєкт „Футожска капуста – бренд Сербиї”.
Нєшка на Манифестациї будзе „Мини купусијада”, на хторей участвую дзеци, а вечаром будзе музична програма на хторей наступия локални рок ґрупи. На ютре будзе урядове отверанє манифестациї, змаганє у вареню сладкей и квашеней капусти, та виберанє найчежшей главки капусти, а шицко будзе провадзиц и богата културно- уметнїцка програма.
„Футошку купусијаду” орґанизую Месна заєднїца Футоґ, Културни центер „Младосц”, здруженє „Футожска капуста”, Польопривредна школа з Домом школярох и основни школи „Мирослав Антич” и „Десанка Максимович”, а покровитель Город Нови Сад.