АПОСТОЛСКИ ЕҐЗАРХАТ – По юлиянским календаре у векшини парохийох нашого Апостолского еґзархату нєшка швето Воздвижениє чесного хресту, єдно з важних християнских шветох у року.
З нїм ше здогадує на подїю кед пренайдзени хрест на хторим розопяти Исус Христос. Хрест пренашла царица Єлена, мац цара Константина Велького, кед ше у Єрусалиме була поклонїц на Христовим гробе.
Швето будзе означене на богослуженьох у церквох у наших парохийох, а на тот дзень вирни посца у єдзеню.