Судьба Силвестера Маґоча з Коцура подобна велїм судьбом шицких тих хтори ше нашли на просторох залапених зоз Другу шветову войну. Вєдно з братом Юлином ше сцел придружиц партизаном, алє на самим початку нє пошло по плану. Пред одходом су полапани.
О єден час вєдно з другима гарештанцами браца одвежени до концентрацийного лаґру Дахау у Нємецкей, до хторого заверали политичних гарештанцох. Були на „ценким косту”, примушовали их на чежку физичну роботу, лєбо их забивали.
Силва нє витримал, похорел ше и закончел у шпиталю.
Уж були велї краї ошлєбодзени, кед о даскельо мешаци Силву пущели дому. Мац дома помали трацела надїю же синох ище дакеди увидзи.
Цо и як ше далєй одвивало у Маґочовей фамелиї, дознаце у найновшим чишлє наших новинох.