НОВЕ ОРАХОВО – У рамикох 24.Манифестациї „Днї Миколи М. Кочиша”, а у орґанизациї Дружтва за руски язик, литературу и културу, вчера у ОШ „18.октобер” у Новим Орахове отримане стретнуце з писательку Ирину Гарди Ковачевич и представени виданя Дружтва.
Школяре котри руски язик виучую у ОШ „18.октобер” у Орахове и „Чаки Лайош” у Бачкей Тополї, з професорку Сенку Бенчик за тоту нагоду пририхтали пригодну програму з рецитациями и музичнима точками, потим з писательку Гарди Ковачевичову бешедовали о єй творчосци, док у другей часци програми Ирина Папуґова представела тогорочни виданя Дружтва.
Наша писателька школяром и учительки подаровала кнїжки, а окрем того, домашнї свою библиотеку збогацели и з новима виданями Дружтва.
На стретнуцу з писательку були и родичи дзецох, як и представителє КУД „Петро Кузмяк” з Орахова, Михайло Еделински и Владимир Маґоч.