Путнїки жадаю вецей гайзибани по Нови Сад

автор тах фото врбас.нет
988 Опатрене

ВЕРБАС – Жителє местох у вербаскей општини и новосадских местох Кисач и Степановичево порушали зазберованє подписох за уводзенє нових гайзибанских линийох на релациї Нови Сад-Вербас медзи 15 и 19, та од 22 по 23 годзин, преноши новосадски „Дневник”.

Вимога заснована на факту же векшина роботнїкох роботни час закончує до и коло 15 годзин, як и настава студентом и школяром, а друга змена роботнїком после 22 годзин, так же ше нє маю як врациц дому. Подписнїки петициї тиж думаня же им з новим розпорядком воженя гайзибанох загрожени права на явни превоз и нормални транспорт.

– Нови розпорядок нє прилагодзени реалним потребом роботнїкох и дзецох котри у найвекшей мири маю мешачни карти и представяю найвекших хасновательох, та з тим и тих котри плаца услуги желєзнїци – наводзи ше у петициї.

Вимога же би ше уведло нови гайзибански линиї будзе прешлїдзена Желєзнїцом Сербиї, Покраїнскому секретарияту за енерґетику, будовательство и транспорт, Министерству будовательства, транспорту и инфраструктури, Општинскей ради Вербас и Влади Сербиї.

Нови розпорядок гайзибанох почал внєдзелю, 11. децембра, и важи рок – по 9. децембер 2017. року.

ПОВЯЗАНИ ТЕКСТИ