РВК преглашела ище три лїстини

автор саб
1.4k Опатрене

БЕОҐРАД – Републична виберанкова комисия (РВК) преглашела ище три лїстини за парламентарни виберанки 24. априла, так же затераз єст 13 лїстини хтори ше буду змагац за посланїцки мандати у Народней скупштини Републики Сербиї.

Єденаста преглашена лїстина „Ґрупа гражданох-За препород Сербиї-Проф.др Слободан Комазец” ма 186 кандидатох, а перши на нєй Йован Деретич

Дванаста преглашена лїстина „Русийска странка-Слободан Николич”, хторей РВК нє припознала статус меншинскей странки, понеже у Републики Сербиї Руси урядово нє припознати як меншинска национална заєднїца. На лїстини 55 кандидати за народних посланїкох.

Тринаста лїстина з назву „Републиканска странка-Никола Сандулович”, за тераз остатня хтору РВК преглашела за парламентарни виберанки 24. априла. На нєй 131 кандидат за народного посланїка.

Термин за придаванє виберанкових лїстинох до РВК закончує ше нєшка, 8. априла на пол ноци.

ПОВЯЗАНИ ТЕКСТИ