ДЮРДЬОВ – Штварток, 10. новембра, Дзецинска драмска секция дюрдьовского КУД „Тарас Шевченко” у просторийох Дружтва одбавела репризу представи „Нєлапшни шаркань” Мирослава Настасиєвича, у режиї Якима Чапка.
Сала була полна з дзецми з дюрдьовскей дзецинскей заградки и ОШ, а понеже представа интерактивна, уключовали ше до розришованя велїх подїйох на сцени.
Уход на представу за шицки дзеци з руских оддзелєньох у ОШ и дзецинскей заградки, за дзеци котри виучую руски язик, алє и за други заинтересовани дзеци – бул задармо, на основи одлуки Управного одбору КУД „Тарас Шевченко”.
Источашнє, то було и пририхтованє ґлумецкей екипи за наступ 3. децембра у Вербаше.