НОВИ САД – У рамикох програми означованя 70-рочнїци постояня нєшкайшого Руского културного центру (РКЦ) з Нового Саду нєшка, 19. новембра будзе Шветочни концерт, а на ютре концерт Хору „Гармония”.
Шветочни концерт „РКЦ 70 роки з вами”, на хторим наступя члени векшини секцийох РКЦ, будзе у Ґимназиї „Лаза Костич” (Лази Лазаревича 1) на 19 годзин. Уходнїца на Концерт 200 динари.
Ютрейши концерт з назву „Хор Гармония и госци” будзе у Културним центре Нового Саду (Католїцка порта 5), тиж на 19 годзин, а попри спомнутого хору и його солистох, на концерту наступя и Женска шпивацка ґрупа „Романтика” з Нового Саду и Димитрий Цап на ґитари.
