ДЮРДЬОВ – Руски народни театер „Петро Ризнич Дядя” нєшка пред дюрдьовску публику виведзе представу „Случай нєвиней ґдовици” автора Милоша Николича у КУД „Тарас Шевченко” на 19 годзин.
У представи ґлумя Оленка Живкович, Владимир Варґа, Емил Няради, Александер Мудри и Яким Винаї. Режию, адаптацию, сценоґрафию и вибор музики окончел Владимир Надь Ачим, а текст на руски язик преложела Оленка Живкович.
Премиєра представи отримана у новембру у Руским Керестуре, а єй реализованє помогли Покраїнски секретарият за културу, явне информованє и одношеня з вирскима заєднїцами, Завод за културу войводянских Руснацох и Национални совит Руснацох. Спонзоре були СТР „Клуб 10” и ПН ТҐР „Изґлед”.