КУЛА – Концом прешлого тижня Општина Кула розписала Конкурс за финансованє порядних змагательних активносцох спортских орґанизацийох у тим року, а Конкурс тирва по штварток, 7. април.
За финансованє рочних програмох змагательних активносцох у буджету Општини Кула вєдно опредзелєни 15 милиони 600 000 динари, дзе за порядни змагательни активносци спортских орґанизацийох 14 милиони 300 000, за школски спорт милион динари и за порядни спортски активносци спортистох-инвалидох 300 000 динари.
Конкурс и прияви мож найсц на сайту Општини Кула – www.kula.rs, а прияви з програмами спортских активносцох треба придац найпознєйше до 14 годзин 7. априла на Писарнїцу Општини Кула (Ленїнова 11).