ДЮРДЬОВ – Члени Месного одбору Здруженя пензионерох у Дюрдьове всоботу, 15. Фебруара, отримали Рочну скупштину на хторей поднєшени звит о роботи у прешлим року, як и плани активносцох за тот рок.
Тогорочну скупштину отворел предсидатель Здруженя Петар Раґаї котри привитал шицких присутних. Звит о роботи пречитала заменїца Смиляна Прокин, а потим пречитани и Финансийни звит зоз 2019. року. Присутни ше мали нагоду упознац и зоз планом активносцох пензионерох у тим року. Єден од планох то уключиц цо векше число нових членох до Здруженя, ожелєнїц и пошориц двор, як и орґанизовац и обезпечиц пензионером одход до наших баньох.
По законченю официйней часци скупштини, госци и домашнї мали нагоду уживац у закуски котру пририхтали члени Здруженя, як и у музики.
На скупштини були присутни и представнїки локалней самоуправи, Месней заєднїци Дюрдьов, члени здруженьох пензионерох зоз Жаблю и Ґосподїнцох.