Рукометашки котрих водза Керестурци други на турнире

автор маф
835 Опатрене

ДЕБЕЛЯЧА – Рукометашки-пионирки Женского РК „Деронє” з Дироню завжали друге место на закончуюцим турнире Першей лиґи Войводини за рукометашки-пионирки народзени 2000. року и младши, хтори отримани 23. мая у Дебелячи. Тренер рукометашкох Славко Надь з Руского Керестура.

Перше место на турнире завжала домашня екипа „Спартак”, а попри нїх и рукометашкох з Дироню, за перши три места ше борела и екипа „Раванґрад” зоз Зомбора, шицки як першопласовани у своїх ґрупох. За пласман од 4. по 6. место змагали ше три другопласовани екипи.

Друге место за мали клуб з Дироню вельки успих, а тиж и за тренера Надя, котри уж штири роки водзи екипу пиониркох, зоз хтору пред двома роками на истим змаганю освоєл треце место.

Того року ше як тренер екипи з Дироню приключела и наша преславена рукометна ґолманка, репрезентативка Злата Паплацко, тиж з Керестура.

ПОВЯЗАНИ ТЕКСТИ