РУСКИ КЕРЕСТУР – Женски рукометни клуб (ЖРК) Русин у тей змагательней сезони нє будзе бавиц першенствени змаганя, понеже у лиґи у хторей бавел остали лєм три клуби, та лиґашски змаганя нє будзе – сообщене на нєдавно отриманей схадзки Вивершного одбору (ВО) Спортского дружтва Русин.
Рукометашки тераз буду бавиц лєм змаганя на турнирох, а понеже ЖРК нєдавно остал и без тренерох, на спомнутей схадзки ВО одлучене же екипу надалєй буду тренировац Сабина Планчак и Владо Планчак.
Рукометаше Русину внєдзелю на своїм терену у Спортскей гали зоз 23:30 страцели першенствене змаганє од екипи Войпут 2 зоз Суботици, у Бачкей рукометней лиґи.
Найвецей ґоли за Русин на тим змаганю, на хторей домашня екипа нє була комплетна, дал Гербут – 10. У шлїдуюцим колє Русин госцує у Кляїчеве.