РУСКИ КЕРЕСТУР –У штернастим колє Подручней фодбалскей лиґи Зомбор, внєдзелю 17. новембра, ФК „Русин” на домашнїм терену пред числену публику однєсол побиду над ФК „Твердиня” зоз Бачу зоз резултатом 4:0 (2:0).
Ґоли за Русин на тим змаганю дали Боян Бранкович у 20. и 28. минути, и Деян Давидович у 71. и 89. минути.
Русин наступел у составе: М. Надь, Д. Веселинович, Б. Голик, Б. Надь, В. Вуйович, О. Маркович, Б. Бранкович, С. Дюканович, Д. Давидович, Й. Гарди, Ф. Вуйович, а на замени: К. Боднар, Р. Ланчужанин, И. Маньош.
После 14 одбавених колох Русин ше на концу єшеньскей часци сезони 2019/2020. нашол на 5. месце на таблїчки зоз 26 освоєнима бодами.
