РУСКИ КЕРЕСТУР – Музичар и познати руски кантавтор Сашо Палєнкаш з Руского Керестура вчера, 31. мая, на интернету обявел нову писню „Подели далє”, зоз будуцого музичного албуму „Добро є…”.
Цала композиция, вєдно зоз продукцию, зробена у Руским Керестуре, а у тим окрем автора, участвовала и Марина Роман котра одшпивала провадзаци вокали.
Писню мож послухац на авторовим ютюбу каналу, а зняц ю зоз адреси на https://sasapaljenkas.bandcamp.com/album/dobro-je.
Автор за нови албум уж пририхтал даскельо писнї хтори буду обявени у наиходзацим чаше.