ШИД – Всоботу вечар, пред шветом Святого Миколая, Миколай нащивел перше дзеци у церкви Преображеня Господнього у Шидзе и подзелєл 42 пакецики.
Потим Святи Миколай нащивел церкву у Беркасове, дзе му дзеци рецитовали и вон им подзелєл 19 пакецики.
Святи Миколай з дзецми у Беркасове
Весело було и у церкви у Бикичу дзе тиж дзеци Миколайови шпивали и рецитовали, а хтори им подзелєл 42 пакецики.
У нашей церкви у Бачинцох, Святи Миколай внєдзелю после Служби Божей дзецом подзелєл пейц пакецики.
Святи Миколай з дзецми у Бикичу