КОЦУР – Коцурци вчера на штирох виберацких местох – двох у просторийох Месней заєднїци и двох у Основней школи – гласали на покраїнских и републичних виберанкох и з уписаних 3 504 виберачох, на виберанки вишли 1 727, лєбо 49,3 одсто гласачох. У Коцуре, як и у цалей вербаскей Општини, нє були и виберанки на локалним уровню.
Коцурци на виберанкох на републичним уровню найвецей довирия дали лїстини „Александар Вучич-Сербия победзує” – 802 гласи, потим шлїдзи лїстина „Ивица Дачич-СПС-ЄС-Драґан Маркович Палма” зоз 197 гласами, коалиция „ЛДП-ЛСД-СДС” достала 192 гласи, лїстина „Др Воїслав Шешель-Сербска радикална странка” 132 гласи, лїстина „За праведну Сербию-ДС, Нова, ДСГВ, ЗЗС” 118 гласи.
Надалєй, лїстина „Досц було-Саша Радулович” достала 56 гласи, лїстина „Союз войводянских Мадярох-Иштван Пастор” 37 гласи, „Двери-Демократска странка Сербиї-Санда Рашкович Ивич-Бошко Обрадович” 31 глас, „Борко Стефанович- Сербия за шицких нас” 19 гласи, „Русийска странка-Слободан Николич” 14 гласи, „Желєна странка” 12 гласи, „Пария за демократске дїлованє-Ардита Синани 8 гласи, „Републиканска странка-Никола Сандулович 6 гласи, „За шлєбодну Сербию- Завитнїки-Милица Дюрдєвич 5 гласи, лїстини „Муамер Зукорлич-Бошняцка демократска заєднїца Санджаку”, „У инат-Зложно за Сербию-Народни союз” достали по 4 гласи. Лїстина „Сербско-русийски рух-Слобдан Димитриєвич” достала 3 гласи, Ґрупа гражданох-За препород Сербиї-Проф.др Слободан Комазец” 2 гласи, а по єден глас достали лїстини „Диялоґ-млади зоз становиском-Станко Дебелякович” и „СДА Санджаку-Др Сулейман Уґлянин”.
На покраїнским уровню Коцурци найвецей – 762 гласи дали лїстини „Александар Вучич-Сербия победзує”, потим лїстини „Ивица Дачич-СПС-ЄС-Драґан Маркович Палма-Патриотски рух Сербиї” 210 гласи, лїстина „Ненад Чанак-Лиґа социялдемократох Войводини-Дзвигнї главу!” достала 181 глас, „За Войводину роботи и знаня-ДС (Демократска странка), ДСГВ (Демократски союз Горватох у Войводини), Нова, ЗЕП-Желєни-др Боян Пайтич 119 гласи, а лїстина „Др Воїслав Шешель-Сербска радикална странка” 114 гласи.
Надалєй, лїстина „Борис Тадич, Чедомир Йованович-Союз за лєпшу Войводину-Либерално демократска партия, Социялдемократска странка” достала 87 гласи, „Досц було-Саша Радулович” 45, „Двери-Демокрстска странка Сербиї-Санда Рашкович Ивич-Бошко Обрадович” 35, „Союз войводянских Мадярох-Иштван Пастор” 28, „Народни рух Динара-Дрина-Дунай-Томислав Бокан 27 гласи, „Желєна странка” 15, „Войводянска толеранция” 12, „Мадярски рух за автономию-др Тамаш Корхец-ДЗВМ -Арон Чонка 8, „Сербско Русийски рух-Александар Дюрдєв” 6, а лїстина „За шлєбодну Сербию-Завитнїки-Милица Дюрдєвич” 4 гласи.