КОЦУР – У Грекокатолїцкей церкви Успения Пресвятей Богородици у Коцуре вовторок, 7. юлия, вирни означели швето Рождества Йоана Хрестителя – Яна.
Вельку Службу Божу служел декан бачки и парох коцурски о. Владислав Рац, а през казань ше здогадли значносци и радосци котре означованє того швета ноши.
Числени парохиянє присуствовали на Велькей Служби Божей, зоз шпивом и молитву на чесц Рождества Йоана Хрестителя. На концу Служби парох о. Рац пошвецел велї букети Янового желя котри вирни принєсли до церкви.
Традиция пошвецаня букетох Янового желя ше каждого року запровадзує на швето Яна у Коцуре.
