КОЦУР – У просторийох Явней библиотеки Данило Киш – Оддзелєнє у Коцуре на пияток, 10. юлия, будзе отримана схадзка Управного одбору Рускей матки.
По дньовим шоре котри предложени за схадзку, будзе бешеди о участвованю на Биєналу лемковскей култури у Кринїци у Польскей и означованю 35-рочнїци Шветового конґреса Русинох/Руснацох/Лемкох у Медзилаборцох у Словацкей, потим о реализованю Видавательного плану и предклади за отримованє промоцийох нових виданьох Рускей матки, як и о привиту госцох з Мадярскей котрих предводзи проф. др Михаил Капраль.
Присутни ше буду догваряц и о орґанизованю паломнїцтва до Марияповчу, як и о орґанизованю Стретнуцох младих РРЛ швета у Новим Орахове и Бачкей Тополї. Плановане одредзованє датума отримованя 8. Подобовей колониї Еуфемия Гарди, як и дискусия о нових руских медийох – Радию Руски Керестур и Руским интернет порталу.
Початок схадзки заказани на 17 годзин.