Сообщенє зоз позарядовей схадзки Покраїнскей влади

автор ядю
1.2k Опатрене

НОВИ САД – Покраїнска влада, на хторей предшедовал др Боян Пайтич, отримала вчера, 8. Марца, позарядову схадзку пре вилїви у нашей жеми и потребу же би ше указало солидарносц зоз загроженима штредками, як и же би ше розпатрело актуални стан на водоцекох у Войводини.

Предсидатель Покраїнскей влади др Боян Пайтич визначел же Покраїнска влада порихтана помогнуц и указац солидарносц, а шицки технїчни и людски капацитети понукнути колеґом зоз „Сербияводох” и Сектору за позарядово ситуациї, за санацию и ратованє загрожених на териториї звонка Войводини. Покраїнска влада задлужела и Дирекцию за робни резерви же би по налогу Покраїнского штабу за позарядово ситуациї випоручела пакети з поживу и гиґиєнскима средствами и воду у фляшкох загроженим у вилївох.

После звиту Явного водопривредного подприємства „Води Войводини” и Покраїнского штабу за позарядово ситуациї, констатоване же у Войводини система охрани од вилївох подзвигнута на найвисши уровень приправносци, уведзени 24-годзиново дежурства на часцох дзе уж уведзена порядна и позарядова охрана од вилївох. Механїзация, людство и материяли на задоволююцим уровню, а од 2014. року уложене вецей як 300 милиони динари до зони котра и тераз може буц загрожена.

Покраїнска влада апелує же би ше акумулацию „Дєрдап” спущело на минимум 30 центиметери, бо тераз нє час за стварянє профиту, алє за зложну охрану людских животох и материялних доброх у Сербиї.

ПОВЯЗАНИ ТЕКСТИ