ЖАБЕЛЬ – На соботу и нєдзелю, 22. и 23. октобра, у Жаблю и Индїї буду отримани два музични концерти у орґанизациї Мишаного хору „Пасторала” зоз Жаблю, Союзу Руснацох Українцох Сербиї и КУД „Калїна” з Индїї.
Попри Хору „Пасторала” и членох „Калїни”, на концертох наступя и госци з иножемства – Ансамбл „Гажличанка” з Гажлини у Бардейовскей обласци у Словацкей и Шпивацка ґрупа Здруженя Лемкох з Ґорлицох, з Польскей.
Перши концерт будзе на соботу 22. октобра, на 19,30 г. у голу ОШ „Милош Црнянски” у Жаблю, а други на нєдзелю, 23. октобра у Индїї, на Манифестациї „Днї українскей култури”, хтора почина на 19 годзин.