ШИД – Вчера на швето Преображеня Господнього церква и вирни преславели храмове у Шидзе швето Кирбай.
Шветочну Службу Божу предводзел монах о. Дамян Кича ЧСВВ, настоятель у манастире монахох у Кули, а сослужели о. Владислав Варґа, парох у Сримскей Митровици, о. Дарко Рац, парох у Бачинцох и о. Владимир Еделински Миколка, парох у Беркасове.
О. Дамян Кича читал Євангелию и наказовал, и визначел значносц преображеня Исуса Христа на гори Тавор у присустве апостолох Петра, Йоана и Якова, як и пророкох Мойсея и Илиї.
После Служби Божей, по традициї, пошвецена овоц, а потим одшпиване многолїтствиє.
Того року нє була орґанизована и богата такволана вашарска часц Кирбаю, а госцох на Кирбаю було зоз рижних местох.
