ШИД – Рождество Исуса Христа торжествено преславене у нашей парохиї у Шидзе, дзе на Вилїю Саночне на 22 годзин служел парох о. Михайло Режак и церква була окреме нащивена з младима вирнїками.
По традициї, пред Саночним ґрупа младих по шидских обисцох ходзела по шпиваню.
Парох о. Режак шицким повинчовал щешлїви и благослевени Крачун, а по Саночним друженє предлужене у Руским доме, дзе з колядами привитана радосц Христового родзеня.
На Перши дзень Крачуна Служба Божа була на 10 годзин, пречитана Крачунска винчованка апостолского еґзарха за грекокатолїкох у Сербиї, владики Георгия Джуджара, а по Служби було мированє.