НОВИ САД – „Води Войводини” у 2016. року видвоя коло три милиярди динари за отримованє водних обєктох на подручу Войводини, собщене того тижня з того явного подприємства.
З наведзеней суми 2,3 милиярди динари наменєни за отримованє и функционованє системох за одводньованє и за роботи на ушореню беґельскей мрежи, за отримованє защитних обєктох опредзелєни коло 440 милиони, док за отримованє Гидросистеми Дунай-Тиса-Дунай 185 милиони динари.
По Програми дїлованя „Водох Войводини”, хтору одобрела Покраїнска влада, за инвестицийни програми и други роботи у водопривреди наменєни 1,4 милиярди динари, а найвекша часц будзе вихаснована за предлуженє вибудови реґионалних системох за наводньованє.