Усоглашени Финансийни план, Мемориял нарок од 24. марца

автор зам
1.1k Опатрене

РУСКИ КЕРЕСТУР – Управни одбор (УО) Дому култури Руски Керестур на своєй схадзки отриманей стреду, 11. мая, прилапел Финансийни план Дому култури за 2016. рок усоглашени з нєдавним ребалансом буджету Општини Кула, а на основи одобрених средствох тей установи.

По ребалансу Дому култури звекшани средства, медзи нїма и за плаценє фахових сотруднїкох, за трошки путованя анасмблу, а сполнєта и догварка медзи чолнїками Општини Кула и Националного совиту Руснацох о учасци Општини у финансованю РНТ „Петро Ризнич Дядя”.

На УО одборе винєшена и информация о прешлого мешаца отриманим 48. Драмским мемориялє Петра Ризнича Дядї, а принєшена и Одлука же би нарок Мемориял почал скорей – 24. марца. Така одлука принєшена и прето же 2017. року Велька ноц будзе 16. априла по обидвох календарох, а о термину Мемориялу буду поинформовани и нашо КУД-и.

На схадзки бешедоване и о цеку пририхтованьох за тогорочни Фестивал рускей култури „Червена ружа”, хтори у Руским Керестуре будзе од 24. по 26. юний.

ПОВЯЗАНИ ТЕКСТИ