РУСКИ КЕРЕСТУР – У рускокерестурскей парохиї св. оца Миколая у страсним тижню у хторим ше през богослуженя пририхтує за наиходзаце швето Вельку ноц, нєшка Вельки одн. Желєни штварток.
Вчера вечар у Катедралней церкви була остатня тогорочна Преждеосвящена Служба Божа, а нєшка на 19 годзин будзе Вечурня зоз Василийову Службу Божу и обрядом умиваня ногох.
Наютре, на Вельки пияток, богослуженя буду на 8 годзин – Утриня зоз читаньом 12 страсних Євангелийох, на 15 годзин Вечурня зоз покладаньом плащанїци, такволане хованє Исуса Христа. На Вельку соботу на 8 г. Єрусалимска утриня, а на 20 г. Пасхалне бдиниє – Всеночне з воскресну утриню.