КОЦУР – У Коцуре тих дньох почали роботи на розводзеню инсталациї за СББ мрежу, односно за кабловску телевизию и интернет. Роботи буду закончени за два мешаци, алє перши хаснователє услуги на мрежу годни буц прикапчани уж о 10 днї.
Компания СББ найвекши оператор диґиталней и аналоґней кабловскей телевизиї и широкопасного интернету у Сербиї, а Коцурцом понукнє свойо штири пакети – кабловску телевизию, диґиталну телевизию, интернет и телефонию.