КУЛА – Медзинародни дзень старших особох – 1. октобер – на ютре будзе шветочно означени и у Доме за старих и пензионерох Кула, а програма почнє на 10 годзин.
Попри хасновательох Дому у Кули, на означованю свойого Дня буду присуствовац и бивателє Дому з обєкту у Руским Керестуре, а цали октобер пошвецени старим особом, як порив же би ше им пошвецело векшу повагу.
По остатнїм попису, стари у Сербиї нєшка творя 16,8 одсто жительства, а оценює ше же, як и у велїх других, стари и у нашей жеми нєшка на дружтвеней марґини и занєдзбани.
Свидома нєобходносци иншакого дружтвеного одношеня ґу старшим особом, Зєдинєни нациї 1990. року, з окремну Резолуцию, 1. октобер преглашели за Медзинародни дзень старших особох.