РУСКИ КЕРЕСТУР – У лурдескей каплїци шестрох Служебнїцох у Руским Керестуре на Капущаним шоре, вчера на дзень Лурдескей Мариї, 11. януара означене єй швето а у тей каплїци и Кирбай на двох Службох Божих.
На 10 годзин Службу служели домашнї парох о. Михайло Малацко и старовербаски о. Алексий Гудак, док о. Михайло Шанта споведал. У казанї о. Малацко здогаднул вирних на лурдеске указанє Богородици, а пречитал и тестамент Бернадетки, дзивочки хтора дожила єй указаня.
Вечаршу Литурґию служел капелан кулски о. Платон Салак ЧСВВ хтори и наказовал, а сослужел капелан керестурски и парох индїйски о. Михайло Шанта, док парох з Кули о. Дамян Кича ЧСВВ споведал вирних.
По обидвох Службох служени и Молебен до Богородици, а пред тим вирни предводзени зоз шестрами служебнїцами модлєли ше молитву Ружанцу.
