НОВИ САД – Други раз того року у Новим Садзе будзе зменшана цена зогриваня и цеплей води, пише службени портал Городу Нови Сад. Цена зогриваня за квартелї и дїловни обєкти будзе зменшана за 3,79 одсто, а за цеплу потрошену воду за 2,41 одсто.
Место дотерашнїх 92,36 динари по квадратним метеру зогриванє будзе 88,86 дин/кв.м, док цена цеплей води место 231,57 дин. за кубик будзе 225,99 динари.
Нови ценовнїк ЯКП „Новосадска цепларня” найвироятнєйше будзе прилапени на шлїдуюцей схадзки Скупштини Городу, а на инициятиву городоначалнїка Милоша Вучевича и Предлогу одлуки о пременки предавацких ценох продукциї и випоручованя цеплоти за зогриванє.