НОВИ САД – На новосадским Штранду ище нєшка и ютре тирва пияти медзинародни фестивал танцу и музики „Глас ровнїни“. На програми участвую предшколски дзеци и школяре основней школи, фолклорни ансамбли и нєафирмовани бенди.
Окрем учашнїкох зоз Сербиї, на фестивалу участвую и културно-уметнїцки дружтва з Польскей и Републики Сербскей, а циль „Гласу ровнїни“ потримовац народни традициї и културу през танєц, музику, шпиванку и народне облєчиво.
Нєшка и ютре програма будзе од 13 до 23 годзин, а за тот час нащивителє годни купиц виробки ручних роботох, мед, вино, палєнку, продукти старих войводянских ремеселнїкох, прикраски и подобне.