НОВИ САД – У Церкви св. апостолох Петра и Павла у Новим Садзе, ш. Винкентия 7. марца представела о. Єремию Ломницкого, ЧСВВ, єдного зоз сновательох Шестрох Служебнїцох Непорочней Дїви Мариї и кандидата за преглашенє за святого.
Беатификацийни процес до святосци живота о. Єремиї Ломницкого (1860–1916) у католїцкей церкви почал 2005. року, а шестра Викентия гварела же вон бул нє лєм єден од сновательох ш. Служебнїцох, алє и мисионер, проповиднїк и же видзел же єст потреби мац шестри хтори би були з народом.
Шестра Викентия тиж гварела и же о. Єремия на окремни способ заступнїк и помоцнїк проповиднїком и шицким цо ше закладаю за виру до Бога, и кед ше дахто будзе модлїц до оца Єремиї Ломницкого и дожиє дацо нєзвичайне, лєбо чудо, треба явиц, пошведочиц у писменей форми и дац ш. Служебнїцом.
На концу парох о. Юлиян Рац и вирни вимодлєли молитву за преславу слуги Божого єромонаха Єремиї Ломницкого, ЧСВВ.