У Ґосподїнцох вистава малюнкох Гелени Фейди Крклюш

автор сас
1.3k Опатрене

ҐОСПОДЇНЦИ – У рамикох Дньох Миколи М. Кочиша вчера, 4. децембра, у Ґалериї Месней заєднїци (МЗ) Ґосподїнци отворена вистава малюнкох Гелени Фейди Крклюш з Ґосподїнцох.

Виставу, на хторей виложени прейґ 25 подобово роботи у олєю на платну, у мено орґанизатора – Дружтва за руски язик, литературу и културу – отворели Ирина Папуґа и Владимир Салонски, а о подобовей роботи Гелени Фейди Крклюш бешедовали и директорка општинскей Народней библиотеки „Велько Петрович” Дубравка Дудич и бувша директорка ОШ у Ґосподїнцох, подобова уметнїца Любина Пантич.

4-Krkljus-02

За виставу видруковани и окремни каталоґ, а орґанизована є и з нагоди нєшкайшого осемдзешатого родзеного дня Гелени Фейди Крклюш, та єй присутни на отвераню вистави пригодно повинчовали родзени дзень. Тодор Иванов, котри грал на ґитари, одрецитовал и стихи Алекси Шантича „Моя писня”.

4-Krkljus-03

Присутних привитал и предсидатель Совиту МЗ Ґосподїнци Борис Страживук, а школярки Лана Пеїч и Драґана Иванов, котри у ґосподїнскей ОШ виучую руски язик, пречитали писнї по сербски и по руски.

4-Krkljus-04

ПОВЯЗАНИ ТЕКСТИ