Пондзелок, 29. децембра, „Гармония”, Хор новосадскей грекокатолїцкей парохиї св. апостолох Петра и Павла и Руского културного центру, завар єшеньске зашеданє Народней скупштини Републики Сербиї. Хор, под дириґентску палїчку Весни Кесич Крсманович, одшпивал гимну Републики Сербиї „Боже правди”.
На завераню, як и на отвераню зашеданя Скупштини, вше даєден хор шпива тоту гимну, а же би з тей нагоди то бул праве Хор „Гармония”, остарала ше народна посланїца Олена Папуґа.
Одход Хору до Скупштини финансовал Завод за културу войводянских Руснацох и то першираз же даєден хор з Нового Саду бул поволани шпивац з такей нагоди у Народней скупштини Републики Сербиї.
