ОСИЄК – Всоботу, 28. марца у центре Осиєку, у орґанизациї Городу, отримана традицийна манифестация „Цифровани вайца у фарбох городу”, з хтору ше пред Квитну нєдзелю наявює приход Велькей ноци и яри. Пре барз нєвигодну хвилю, з моцним витром, того року нє отримани Квитни корзо, на хторим участвую шицки дзеци з дзецинских заградкох у Осиєку и школяре нїзших класох основних школох.
На штандох на цалей площи у центре городу участвовали 83 рижни здруженя, медзи нїма и КУД Руснацох з Осиєку, хторе представело велькопосни и вельконоцни єдла и писанки хтори направели членїци Подобово-етно секциї Дружтва.
На бини наступали културно-уметнїцки дружтва, а КУД Руснацох Осиєк на манифестацию до госцох поволало подросток КУД „Яким Ґарди” з Петровцох, хтори на централней бини одтанцовали „Танєц з калапом”, у хореоґрафиї Звонка Костелника.
