НОВИ ПАЗАР – У Новим Пазаре 13. и 14. октобра отримани єдини фестивал литератури националних меншинох у Сербиї, наволани „Фемили фест”. Фестивал перши раз отримани влонї, з намаганьом же прерошнє до традицийного, а орґанизатор Фестивалу Завичайне оддзелєнє библиотеки „Доситей Обрадович” з Нового Пазару.
На Фестивалє участвовали писателє зоз скоро шицких националних меншинох у Сербиї, а руску литературу того року представял Микола Шанта. Влонї, на першим Фестивалє участвовала поетеса Тамара Хрин.
Перши дзень отримани Округли стол учашнїкох и публики з тему „Отворени идентитет”, а други дзень ше писателє котри пишу на меншинских язикох публики представели зоз своїма творами.
Сообщеня з Округлого столу буду обявену електронски у часопису eckerman.org.rs.