ЖАБЕЛЬ – У Доме здравя Жабель и його трох здравствених станїцох – у Дюрдьове, Чуроґу и Ґосподїнцох, особи котри роками поряднє пию исти лїки однєдавна нє муша чекац за рецепт при лїкарови, алє го можу достац з поволанку на телефон до здравственей станїци дзе припадаю.
На телефон даю особни податки медицинскей шестри, котра их прешлїдзи лїкарови, а виписани рецепт их причека на шалтеру исти, лєбо ютредзень, алє и лїки у апатики, бо и там буду обвисцени о потребний лїох.
-Уведли зме нови модел пребераня лїкох за хронїчних хоротнїкох. З тим и зменшуєме гужву, бо таки пациєнти нє муша чекац у чекальньох – гварел директор Дому Здравя Жабель др Душан Блаґоєвич.