РУСКИ КЕРЕСТУР– У Манастире шестрох Служебнїцох ш. Йосафата Молнар 3. фебруара торжествено преславела свой дзеведзешати родзени дзень.
Радосна и весела, родзени дзень преславела зоз шестрами Служебнїцами и у кругу членох своєй фамелиї.
Народзена у Руским Керестуре, до новицияту ступела 1949. року и прешлого року означела 70 роки монашеского живота.
Свой роботни вик препровадзела у Покраїнским шпиталю у Новим Саду як инструментарка на гирурґиї, дзе нєсебично помагала шицким пациєнтом, а окреме дзецом.
Вельо ше анґажовала и на парохиї св. апосотолох Петра и Павла у Новим Саду, дзе останє у здогадованю шицким вирним, а окреме дзецом котрих поучовала виронауки.
