КУЛА – На ютре, 27. новембра, у нашей грекокатолїцкей парохиї св. Йосафата у Кули вирни зоз своїма госцами преславя храмове швето – Кирбай – дзень священомученїка Йосафата, хтори бул 25. новембра, алє ше преславу Кирбаю преноши на нєдзелю.
Кирбай будзе преславени на службох Божих на 8 и 10 годзин, а на 10 г. Служба будзе Архиєрейска, понеже ю будзе предовдзиц наш владика Георгий, зоз священїками з наших парохийох и зоз Словацкей.
Вирни ше за Кирбай пририхтовали и з тродньову духовну обнову, од 22. по 24. новембер, хтору у манастирскей каплїци при парохиї отримал о. Платон Салак и шестри служебнїци.